XV в. — Купчая попа Филиппа у брата попа Василия на землю на Камне и под Ригиною горою

XV в. — Купчая попа Филиппа у брата попа Василия на землю на Камне и под Ригиною горою

Список 1680 г. в данной Варлаамовской церкви. Псковский музей, № 236, сст. 2; см. № 341.

А. Я., с. 136.

Ся купися Филипя попя у брата своего у Вашиля у попя землю на Камне i землю подъ Ригиною горою, его цясть оциня к своеи цасти, i в пожняхъ его цасть, и на Луконня поли водерень. А на то послухи: Федоръ Марковичь да Вашиль.
Подробнее

XV в. — Купчая попа Филиппа у Хомы, Никифора и Якова на землю на Камне и под Ригиною горою

XV в. — Купчая попа Филиппа у Хомы, Никифора и Якова на землю на Камне и под Ригиною горою

Список 1680 г. в данной Варлаамовской церкви. После текста: А в тои харатеинои данои в середине писма нЪтъ блиско строки. Псковский музей, № 236, сст. 2—3; см. № 341.

А. Я., стр. 136.

Се куписе Филипе попъ у Хомя и у брата его у Микифора и у стрянчицехъ ихъ у Якова землю, очину ихъ на Камне i подъ Ригиною горою i дЪдину ихъ, и у попеня, i дворище, i вода в реке. А куда ходилъ Хома i брате его Микифоря i строичиць ихъ Якове, тута ходити Филипу попу водерень. А на то послухъ Василь попъ Микифорове Левковиць.
Подробнее

XV в. — Раздельная Спасо-Мирожского монастыря с монастырями Никольским и Иоанно-Предтеченским на землю Юрьевщину

XV в. — Раздельная Спасо-Мирожского монастыря с монастырями Никольским и Иоанно-Предтеченским на землю Юрьевщину

Список 1680 г. в данной Варлаамовской церкви. После текста: А ся грамота писана с старои грамоты. А подлинные харатеиные даные писаны на кожахъ, а у нихъ у концовъ привязаны на ниткахъ свинцовые печати. Псковский музей, № 236, столбец из 7 сставов; сст. 3—4.

А. Я., с. 136.

Се раздЪлишася iгуменъ светаго Спаса и ченцы спасовъ и никулинскиi черницы i iванские черницы i Мелемьяне МихЪевиць землю на КамнЪ Юрьевщину. I досташася iгумену светаго Спаса Альксию у сести мЪстъ: первое мЪсто на Ригина гора, а другое за великою могилою у Темеского пути, а третье за Сосновымъ болотцомъ у Теменского пути, а четвертое у Кривыхъ нивахъ подле Теменскои путь, а пятои у Кривыхъ же нивъ i шестое подле Колотиловицы землю. А то имъ роздЪлъ водерень Юрьевщине. А пожни имъ по старому дЪлу. А на то послухъ светыи Спасъ.
Подробнее

1483 г. июня 11. — Правая грамота псковского князя Ярослава Васильевича и псковских посадников Снетогорскому монастырю на шестую часть реки Перервы, спорную с Козмодемьянским монастырем

1483 г. июня 11. — Правая грамота псковского князя Ярослава Васильевича и псковских посадников Снетогорскому монастырю на шестую часть реки Перервы, спорную с Козмодемьянским монастырем

Список XVI в.; перед текстом: Снимокъ с правои грамотЪ псковского князя Ярослава Васильевича Оболенского с Снетогорскимъ монастыремъ о шестои доли водЪ, што имъ дано на проЪздъ; после текста: А печати у правои грамоты: княжъ Ярослава Васильевича, а другая посадниковъ псковскихъ. ГПБ, собр. Погодина, № 1912, лл. 133 об.—136 об.

АЮ, № 2.

Передъ господиномъ псковскимъ Ярославомъ Васильевичемъ, и передъ посадники степенными, передъ Левонтиемъ Тимофеевiчемъ, и передъ Степаномъ Максимовiчемъ, и передъ соцкими на сЪнехъ, стоя на судЪ, игуменъ Тарасеи Богородицкои Снетные горы i всЪ старцы Снетогорские сь Юрьемъ соцкимъ, с старостою сь Егорьевскимъ, да с Ортемомъ и с Ыльею, со всЪми ихъ сябры, и с ыгуменомъ с Лаврентиемъ Кузмодемьянскимъ з Гремячие горы и со всеми старцы Кузмодемьянскими, а ркучи тако игуменъ Тарасеи i всЪ старцы Снетогорские: господинъ князь, i посадники, i соцкие; тому, господине, Юрью сотцкому, старосте Егорьевскому, i Ортему, и Ильи, i всЪмъ ихъ сябромъ, игумену Лаврентию Кузмодемьянскому i всЪмъ старцомъ Кузмодемьянскимъ пять чястеи в Перерве реки, а намъ, господине, шестая часть в Перерве реки, проезду деля; и нынечя, господине, Юрьи, и Ортемъ, и Илья, i всЪ сябры ихъ, игуменъ Лаврентеи и старцы Кузмодемьянские насъ шестои части в Перерве реки лишаютъ, а проЪзду намъ не дадутъ; а у насъ, господине, в тои Перерве реки на шестую часть грамоты купчие. Да и положили грамоты купчие [327] передъ осподою. I осподiнъ князь псковскои Ярославъ Васильевичъ, и посадники, и сотцкие въспросили Юрья, и Ортема, и Илью, i всЪхъ сябровъ ихъ, игумена Лаврентия i всЪхъ старцовъ Кузмодемьянскихъ: отвечаите, почему вы игумена Тарасья и старцовъ Снетогорскихъ в Перерве реки лишаете шестои доли, а проезда имъ не дадите. И Юрьи, да Артемъ, да Илья, i всЪ сябры ихъ, игуменъ Лаврентеи и старцы Кузмодемьянские, тако ркли: то, господине, у насъ не Перерва река, а в тои реки у насъ вода копаная, а вся вода наша; а игумену Тарасью и старцомъ Снетогорскимъ в тои воде у насъ шестое части нЪть, и мы имъ потому и проЪзда не дадимъ. Да положили и свои грамоты передъ осподою. И господинъ князь псковскои Ярославъ Васильевичь, и посадники, i сотцкие, прочетъ передъ собою обои грамоты, и дали грамоты Климяты сотцкому, да послали княжого боярина Михаила Чета да и Климету Семеновiча сотцкого тое воды в Перерве рекЪ досмотрЪти. И княжои бояринъ Михаило да Климета сотцкои тое воды досмотрЪли, да и на лубъ выписали, i передъ осподою положыли, да и велись по лубу. И князь псковскои Ярославъ Ваеильевичъ, и посадники степенные, и сотцкие вспросили обоихъ с обою сторонъ: снимаете ль с межниковъ межничьства. I обои исцы тако ркли: снимаем, господине. И господинъ князь, i посадники, i сотцкие вспросили iгумена Тарасья и старцовъ Снетогорскихъ: есть ли у васъ стариковъ хто, кому то ведомо, что вамъ в Перерве рекЪ шестая часть, проЪзда деля. И игуменъ Тарасеи и старцы Снетогорские воименовали старика Терентия Кудатова: тому вЪдомо, что намъ шестая часть есть, проЪзду деля, в Перерве реки; на того и послалися. А Юрьи, да Ортемъ, да Илья, i всЪ сябры ихъ, и игуменъ Лаврентеи и старцы Кузмодемьянские того же старика воименовали Терентия Кудатова. И послались обои [ис]цы на одного старика. И господинъ князь псковскои, i посадники, и сотцкие велели передъ собою поставити Терентея Кудатова. И Терентеи, ставъ передъ осподою, тако рекъ: в тои, господине, Перерви реки Юрью, и Ортему, да Ильи, i всЪмъ сябромъ ихъ, и игумену Лаврентию Кузмодемьянскому i старцомъ пять частеи; а игумену Тарасью Богородiцкому и старцомъ Снетогорскимъ в Перерве реки шестая часть, проЪзда деля; то мнЪ, господине, вЪдомо. I по тому князь псковскои Ярославъ Васильевичъ, i посадники степенные Левонтеи Тимофеевичъ и Степанъ Максимовичь, и сотцкие игумена Тарасья Богородiцкого i всЪхъ старцовъ Снетогорскихъ в шестои части в Перерве реки у проезду оправихомъ; а Юрья сотцкого, старосту егорьевского, и Ортема, да Илью, i всЪхъ сябровъ, игумена Лаврентия и старцовъ Кузмодемьянскихъ з Гремячеи горы повiнихомъ; и дахомъ игумену Тарасию Богородiцкому i всЪмъ старцомъ Снетные горы грамоту правую, по псковскои пошлины, в Перерве реки на шестую часть на проЪздъ. Да и послалъ господинъ князь псковскои Ярославъ Васильевичъ, и посадники степенные, и сотцкие княжого боярина Михаила Чета да [328] Клименту сотцкого, с Терентиемъ старикомъ, в Перерве реки шестои чясти выделити на проЪздъ iгумену Тарасью и старцомъ Снетогорскимъ. И того старикъ Терентеи, со княжимъ бояриномъ и сотцкимъ, в Перерве реки отделили от Рожитецькои стороны игумену Тарасью и старцомъ Снетогорскимъ шестая чясть на проЪздъ. А потомъ о томъ тяжи не быти. А грамоту правую писалъ княжь Ярославъ Васильевича дiякъ Iвашко Микитинъ в лЪте 6991 месяца июня в 11 день.
Подробнее

1480 г. — Грамота псковского князя Василия Васильевича польскому королю Казимиру с жалобами на притеснение торговых людей, о нападении рыцарей Ливонского ордена на псковские пригороды и захвате там пленников

[center]1480 г. — Грамота псковского князя Василия Васильевича польскому королю Казимиру с жалобами на притеснение торговых людей, о нападении рыцарей Ливонского ордена на псковские пригороды и захвате там пленников

Список XVI в. озаглавлен: Посольство псковъское. ЦГАДА, Лит. Метр., Кн. зап. IV, лл. 109—110.— Список 1821 г. ЛБ, собр. Румянцева, № 74.

Сборник Муханова, № 14; АЗР, № 74, 1; Полевой, сс. 105—107.

Основание датировки: князь Василий Васильевич (Шуйский) упоминается как псковский наместник в 1477—1481 гг.; псковский посадник Василий Логинович упоминается в 1474—1486 гг.; ответ на грамоту датирован: индикта 13, в правление Казимира 13 индикт падает на годы 1450, 1465 и 1480.
Подробнее

1477 г. октября... — Грамота Пскова царю Ивану Васильевичу о посылке в Великий Новгород «складной» грамоты и о пожаре Пскова

1477 г. октября... — Грамота Пскова царю Ивану Васильевичу о посылке в Великий Новгород «складной» грамоты и о пожаре Пскова

СГГД, II, № 19 (по списку).

Основание датировки: упоминание о пожаре во Пскове в октябре 1477 г. (ПСРЛ, т. IV, с. 257).

Господину государю вЪликому князю Ивану Васильевичю, царю всея Руси, посадники псковскои стЪпенныи, и старые посадники, и сыновЪ посадничьи, и боярЪ, и купцы, и житьи люди, весь Псковъ, отчина ваша, своимъ государемъ, вЪликимъ княземъ русскимъ и царемъ, челомъ бьемъ. По вашЪму государеи своихъ вЪлЪнью, что есмя в другии рядъ складную послали к Великому Новугороду, и наши взнетчики ВЪликомъ НовЪгородЪ положили да и во Псковъ приехали. И нынЪча по нашимъ грехомъ весь городъ Псковъ выгорелъ, и мы вамъ, своимъ государемъ, со слЪзами свою бЪду сказываемъ, а покладываемъ упованиЪ на бозе да на васъ, своихъ государеи. А вамъ, своимъ государемъ вЪликимъ княземъ русскимъ и царемъ, отчина ваша, доброволные люди, весь Псковъ челомъ бьемъ.
Подробнее

1467 г. декабря 12. — Вкладная Исая Елентеевича Хмелькова и его жены Ирины Зачатьевскому монастырю на скамью

1467 г. декабря 12. — Вкладная Исая Елентеевича Хмелькова и его жены Ирины Зачатьевскому монастырю на скамью

Подлинник, вписан в пергаменный стихирарь 1421—22 г. ГПБ, собр. Погодина, № 45, л. 149 об.

В лЪто 6000-е 976-е месяца декабря, на память святаго отца чюдотворца Спиридонья епископа, рабъ божии Исаия ЕлЪнтеевиць Хмелковъ и жена его Иринья за любовь христову дали столъ, сиречь скамью, в обитЪль святаго святителя отца Николы на Завелицья, собе за почесть, а своимъ родитЪлемь на память. А сее данье при старощеньи Нестерове БоровниковЪ и СеменовЪ Румянцевицъ, и при игумене Пахомьи святаго Николы, и при всЪхъ старцехъ святаго Николы. А кто наши братьи учнеть сию скамью продавати или в поминки отдати, да будетъ проклятъ.
Подробнее

рамота Пскова Риге с жалобою на рижан

[center]1463—1465 гг. — Грамота Пскова Риге с жалобою на рижан: Иволта, по поводу насилия над новгородскими купцами Иваном и Кузьмой, и Ивана Кортавого, занявшего 20 гривен у Ивана Филимонова и Кузьмы Кренева

Подлинник. Следы восковой печати. Рижский Гос. городской архив.

Шахматов, Грамота, сс. 349—350.

Основание датировки: князь Иван Александрович княжил в Пскове от 1463 до 1466 г.; посадник Максим (Михаил) Ларионович умер в 1465 г.
Подробнее

1308—1312 гг. — Жалованная грамота Пскова Якову Голутвиничу с братом и детьми на селище Пустую и рыбные ловли на Великом озере

1308—1312 гг. — Жалованная грамота Пскова Якову Голутвиничу с братом и детьми на селище Пустую и рыбные ловли на Великом озере

А. Я., с. 136 (по копии из свитка Якиманского монастыря 1673 г. хранившегося в Псковском музее).

Основание датировки: упоминание посадника Бориса (ПСРЛ, IV, с. 306).

Се желуеса Яков Голутвинич с братом Прокопем и с детемь за пот и кровь селищем Пустухом, да рыбные ловли за Великою рекою на Великом озере на Ревицы Малой, да пожни и сеные покосы. Се жалуеса селитва ставити да рыбу ловити неводом да мережи. А что селище за Ревицы Малой, туда Якову не ходити. То воля господина Великого Пскова у святой Троицы на вече. Послухи сему Борис посадник, да Петр збиручей, да Иван збиручей.
Подробнее

1440 г. декабря 30. — Договорная грамота литовского великого князя Казимира с Псковом

1440 г. декабря 30. — Договорная грамота литовского великого князя Казимира с Псковом

Список XVI в.; перед текстом: Перемирье короля Казимера зо Псковомъ. ЦГАДА, Лит. Метр., Кн. зап. V, л. 285—285 об. — Список 1821 г. ЛБ, собр. Румянцева, № 74, лл. 6—9.

Полевой, I, сс. 101—104; Сборник Муханова, № 2; АЗР, № 38.

Се язъ, великии князь Казимиръ, королевичъ, и з своею братьею конъчали есмо миръ со Пъсковомъ. А прыехали к намъ со Пъскова Ларыонъ Селивестровъ, сынъ посадничъ, Стефанъ Арыстовичъ, а Лука Михаиловичъ, да били намъ чоломъ ото Пъскова, и с тымъ есмо миръ конъчали. А конъчали есмо такъ. Што жъ послу изъ нашее земли, из Литовъское, [322] и гостю, — или ляхъ, или русинъ, или полочанинъ, или витблянинъ и смолнянинъ, — тымъ путь чыстъ изо всее моее отчыны въ Псковскую землю. А гостю торговати во Пъскове без пакости, по старои пошлине со всякимъ гостемъ; такожъ и псковичомъ послу и гостю, изо всее отъчыны Псковское, тымъ всимъ путь чыстъ во всю мою отъчыну, в Литовъскую землю. А гостю торговати во всеи Литовскои земли по старыне без пакости, по старои пошлине, со всякимъ гостемъ. Также и послу псковъскому, кого коли пошлеть ко князю великому московъскому на Москву, путь чыстъ черезъ нашу отчыну, на Смолнескъ тамъ ехати и назадъ отъехати, коли мы, великии князь Казимиръ, будемъ с княземъ великимъ московскимъ в любви. А мне, великому князю Казимиру, блюсти псковитина, какъ и своего литвина; такожъ и псковичомъ блюсти литвина, какъ и псковитина. А межы собою будучы в любви, за холопа, за робу, за должника, за поручники, за смерда, за татя и за розбоиника не стояти ни мне, ни вамъ, а выдати по исправе. А обиднымъ деломъ вложыли есмо рокъ: которыи будуть вчынилися от великого князя Витовтовы смерти до сихъ местъ, тымъ деломъ на обе стороне судъ и справу учынити; а которыи будуть пени вчынили перъво великого князя Витовътовы смерти, или пожжено, или силно пограблено, или головы побиты и иныи пакъ дела, то есмо ему все на обе стороне вчынили отложыли, того не надобе искати нашым (В списке: наиншымъ.) на псковичахъ, ни псковичомъ на нашыхъ. Аже вчыниться пеня гостю в Литве псковъскому, кончать по великого князя правде и по целованью. Аже вчыниться пеня нашымъ, или литвину, или полочанину, или витьбляномъ, или смолняномъ во Пъскове, конъчать по псковъскои правде и по целованью. А рубежъ воде и земли со Пъсковомъ мне, великому князю, а то намъ старыи рубежъ. А сконъчалъ великии князь Казимиръ со всимъ Псковомъ, и со всими прыгороды Псковъскими, и со всею волостью Псковскою по сеи грамоте. Ажъ вчыниться нелюбовъ мне, великому князю, до Пскова, и мне, великому князю, тую грамоту кресную не слати ни на Москву ко князю великому Василью, ни к Новугороду; но положыти мне тую грамоту кресную во Пъскове; а от (В списке: онъ.) того дня, какъ грамота положена, алижъ месецъ проидеть, чотыры недели, тожъ воевати. Такъже ажъ вчынится псковичомъ нелюбовъ со мною з великимъ княземъ Казимиромъ, и псковичомъ грамота хрестная положыти в Вилни; а от того дни, какъ грамота положена, олижъ месецъ проидеть, чотыры недели, тожъ воевати. А на всемъ на семъ я, великии князь Казимиръ, крестъ целовалъ; такъже и послове псковъские крестъ целовали от всего Пскова, по правъде, без всякого извета. А п[и]санъ у Вилни месеца декабря 30 день подъ леты рожества господа нашего Исуса Хрыста 1440 летъ, инъдикъ 4. [323]
Подробнее