XV в. — Раздельная Спасо-Мирожского монастыря и Семена Жаворонка с сябрами на землю Подграмскую

XV в. — Раздельная Спасо-Мирожского монастыря и Семена Жаворонка с сябрами на землю Подграмскую

Список 1694 г. в выписи из дела на владения Спасо-Мирожского монастыря. После текста: А у подлиннои поряднои харатЪинои данои в конце печать свинцовая. Псковский музей, столбец № 27 на 6 сставах; сст. 2—3.

СЪ порядисеся Тимофеи игуменъ и чернцы святаго Спаса с Семеномъ с Жаваранкомъ, и с Кузмою, i сь Якуномъ, и с МатвЪемъ, и з Домахаю, и с Селиловою, и с Колядою, и с Василемъ и со всЪми сябры ихъ, кому часть у Подграмьи, про землю Подграмскую. И положиша мЪжу чернъцы святаго Спаса и Жаворанке i с сябры ево от дубу черезъ селище мЪжи дву камени и до Волотовице, а от Волотовице да Пiрошковичь нивЪ, а от Пирошковичь нивЪ да Сененское мЪжи, а по СенЪнъскои мЪжи да Подграмского пути. А что пожня чернеческая на Иворовицы вошло у Сменову сторону, та пожня Смену i сябромъ ево не надобЪ. А межа орамои земли и болоту Грамскои путь. А что пожня чернеческая подъ Сменовымъ дворомъ, а та Смену с сябры i чернцемъ не надобЪ. А мЪжа пожни по дубъ да по крою на колъ да Пирошковичь пожне. А что Сменова пожня у чернечьскои сторонЪ у МокроусовЪ, а та пожня чернцемъ у розмЪну, а Жаворонку с сябры не надобЪ. А Лукина пожня и СигЪевицъ и в ГузажевЪ по болото по МошнЪе (Написано по другому стертому слову.) пожне, а то чернцемъ, а Жаворанку с сябры не надобЪ. А что сЪлнъе пожни i при Креми и болото, а у томъ Жаваранку с сябры третьея часть, а черньцемъ двЪ части. А борть и пешня чернцемъ, а Жаворанку с сябры не надобЪ. А болоту межа по Лучьскую межу да Подграмскиi путь, а то черньцемъ двЪ части, а Жаваранку с сябры третьяя часть, а от поля по Зари. А воде iмъ обЪ обче мочи Глаи ровЪнъ. (Так в списке.) А путь имъ городцкиi на обЪ стороны обьчь. А за путь за Грамскиi Жаваранку с сябры прелЪзще запасъ сечи. А с пути ускочивъ псЪ узгонитъ вЪкшу, а то Жаваранку с сябры бЪзъ тяже убити. А у чернеческиi лЪсъ Жаворанку с сябры не ходити у полЪсье. А на то послухи: Иванъ посадникъ, Iлья Борисовъ, Андреи Стефановичь, Федоре КисЪлевиць, Обрадъ КлЪвчевиць, Анхимъ Рыгличиниць, Елентеи Олисимковиць, Анкипъ Михаиловиць.


источник: Грамоты Великого Новгорода и Пскова. СССР. 1949
    Добавить комментарий

    Оставить комментарий

      • bowtiesmilelaughingblushsmileyrelaxedsmirk
        heart_eyeskissing_heartkissing_closed_eyesflushedrelievedsatisfiedgrin
        winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
        worriedfrowninganguishedopen_mouthgrimacingconfusedhushed
        expressionlessunamusedsweat_smilesweatdisappointed_relievedwearypensive
        disappointedconfoundedfearfulcold_sweatperseverecrysob
        joyastonishedscreamtired_faceangryragetriumph
        sleepyyummasksunglassesdizzy_faceimpsmiling_imp
        neutral_faceno_mouthinnocent